«Жаңа кинотеатрдың ерекшелігі дизайны мен функионалдылығында болмақ» деп хабарлайды  арна тілшілері. Атап айтсақ, залдағы отырғыштардың артындағы қалталарға 3D-көзілдірік, 1 айға арналған фильмдер репертуары, тіпті жапқыштар салынады. Ал кинотеатр барларынан енді залдан шықпай-ақ, кино көріп отырып тапсырыс жасауға болады.

Теларнаның хабарлауынша, дәл осы жерде белгілі режиссер эксклюзивті тұсаукесер және тұсаукесер алдындағы көрсетілімдерді өткізеді. Сондай-ақ киносыншылар мен киносүйер қауыммен кездесулер өткізіп, онда кинодағы жаңа тенденциялар жайлы айтады.

«Ол жабық киноклуб емес, коммерциялық кинотеатр болады. Онда ортақ прокаттағы фильмдердің барлығы дерлік көрсетіледі. Сондай-ақ Тимурдың өзі таңдаған туындылары ұсынылады. Кинотеатр интерьері де қайталанбас үлгіде, басым бөлігі авторлық дизайнмен жасалған. Кинотеатрға келген көрермендер дыбыс пен бейне сапасын бірден байқауы тиіс», – дейді «BekmambetovCinema» жобасының жетекшісі Индира Бимахан.

Кинотеатрдың ашылуы наурыз айына белгіленген. Ал оның билеттерін енді ғаламтор желісі арқылы сатып алуға болады.

АСТАНА. Қаңтардың 26-сы. BAQ.kz